⚃ كاين ملايين الطرق اللي ممكن نوصلو بهم الاعلان ديالنا للناس باش يدخلو يشريو معندنا وكل واحد والاجتهاد ديالو فكيفاش يجيب الزبناء انا غانشارك معاكم مجموعة من الأفكار البسيطة اللي صدقاتليا وحققت من خلالها مبيعات وانتا حول تطور فيهم

من المعروف على الطرق المجانية ان النتائج ديالها كاتكون ضعيفة وكاتكون فيها الخدمة مضاعفة ولكن جميعنا بدينا بها وغادي نذكر لكم منها :

[بالنسبة للمجموعات اللي مكاتخليش الاعلانات يتنشرو، حتى انت خاصك تكون ذكي وتنشر اعلانك بطريقة غير مباشرة بحال مثلا تدخل وتنشر منشور عادي تسول فيه الناس مناش كايعانيو او نصائح للزيادة فالوزن او نصائح لبومزوي بدون ذكر اي منتوج والادمين غايحسبو منشور عادي ويسمحلو بالنشر وانت راقب التعليقات وجاوبهم وخليهم يدخلو عندك للخاص كاين بزاف اللي غايدخلو عندك للخاص بلا ماتقولو اجي للخاص .. وهكذا بقا تجيب نصائح يوميا وتنشرهم وتكسب زبناء]

كاتدخل للصفحات الكبيرة في الفيسبوك او انستاكرام وكذلك اليوتيوب  اللي كتلقى فيها تفاعل معقول على المنشورات وكاتنشر الاعلان ديالك فالتعاليق ديال المنشورات او تدخل على tranding المغربي  فاليوتيوب وتنشر تعليق مزوق للاعلان ديالك باش يثير الانتباه.

 🛑 نشر اعلانك في الميسنجر :

 غاتدخل للصفحات او المجموعات اللي كاتنشر منشورات على الصحة خاصة منشورات القولون العصبي وهي كثيرة.. فقط اكتب في مربع البحث القولون العصبي او بومزوي او زيادة الوزن .. وكاع الناس اللي غاتلقاهم دايرين تعليق على المنشور صيفط ليهم ميساج وحاول يكون الميساج فيه نصائح لصحتو وبدون روابط حتى يجاوبك عاد هدر ليه على المنتوج والفعالية ديالو وهاد القضية ممكن ديرها حتى فاينسطاكرام

🛑 بناء صفحة فالاينسطاكرام:

 باش تطلع صفحة فالاينسطا اسهل من اي موقع تواصل اخر حيت فيها ما يسمى بالهاشتاج اي ان المتابعين مكايكونوش فقط عند صفحات تابعة لاشخاص معينة بل حتى الهاشتاج كايكون عندو متابعين ديالو بحال الى مشيتي مثلا لمربع البحث وكتبتي #maroc غاتلقا هاد الهاشتاج عبارة عن صفحة فيه منشورات وستوريات وعندو مئات الالاف ديال المتابعين انت ملي كاتنشر منشور او ستوري وفيه الهاشتاج راه كايدخل فديك الصفحة المخصصة لدوك لي هاشتاك (الصورة اسفله للتوضيح)

🛑  انشاء ورقة تعريفية للمنتوج :

 هاد الطريقة ماجربتهاش ولكن شاركاتها معايا واحد السيدة وجابت ليها مبيعات خرجات اوراق فيهم تعريف المنتوج ورقم الواتساب ووزعاتهم على الناس وتاصلو بها وباعت من خلالها المنتوجات

(هادو هما الطرق المجانية اللي عاينتهم انا ولكن هذا لا يعني انه مكاينش المزيد من الطرق المجانية خاصك تفكر وتبحث وغادي تلقا المزيد )

هاد الطرق هي اللي كاتجيب نتائج عالية وبأقل مجهود ولكن مقابل تكلفة معينة

🛑 الترويج فمواقع التواصل:
سواء بشراء الاعلان من الصفحات المغربية الكبيرة

تدخل لصفحة مغربية كبيرة على الفيسبوك او الاينسطا وتتفاهم معاه على الثمن باش يبقا يطلع لك الاعلان ديالك فالمنشور او الستوري لمدة ستتفقان عليها

 او شراء الاعلان الممول على الفيسبوك
وهي انجح طريقة .. هذا الامر  سيتطلب منك حساب بنكي مربوط ببطاقة صالحة للشراء عبر الانترنت او حساب بايبال مفعل وهادشي تقدر تصاوبو فابور عند cih

 (قبل مادير الترويج تواصل مع مشرفك الخاص وغادي تعاونك ببزاف ديال النصائح) ستجد واتساب المشرف في الصفحة الرئيسة

🛑 شراء مساحة اعلانية:

على المدونات او المواقع الالكترونية المغربية التي تنقل الاخبار مثلا عبر مايسمى بالبنرات الاعلانية .. غاتتافق معاه على لبلاصة ديال الاعلان والمدة اللي غايبقا

الخاتمة : 

🚨🚨 أكيد انه كاينين طرق اخرى ربما نسيتهم او مكانعرفهومش سواء كانو مجانية او مدفوعة.. اللي كايعرف شي طريقة ماذكرتهاش  هنا يذكرها لينا في تعليق 👇👇باش نتعاونو كاملين ونكونو يد وحدة وكولشي يستافد